11.4. De Hollandse rekeningen

In deze bijlage staan opgenomen alle posten met sprooksprekers uit de Hollandse grafelijkheidsrekeningen - thans berustend op het Algemeen Rijksarchief te Den Haag - voor de periode van 1380 tot en met 1409.*1 In alle posten waarin Willem van Hildegaersberch voorkomt staat zijn naam gecursiveerd. Aan deze posten is steeds een datering toegevoegd. Aan de 21 vondsten van Jonckbloet en Bisschop & Verwijs met betrekking tot Hildegaersberch konden er twaalf worden toegevoegd; de dateringen van deze nieuwe posten staan hieronder in cursief afgedrukt. Naast posten m.b.t. sprooksprekers zijn in deze bijlage ook posten opgenomen die interessant zijn voor het beeld van het literaire leven aan het Hollandse hof ten tijde van de literair actieve periode van Willem van Hildegaersberch; vandaar dat hier ook een aantal posten te vinden is met toneelopvoeringen, de aanschaf van boeken e.d., zij het dat daarbij niet naar volledigheid is gestreefd. In bijl.11.8. staan ook sprekers uit de jaren 1358-1380 opgenomen - echter niet o.g.v. complete rekeningen - , van welk onderzoek hier evenwel geen verslag wordt gedaan. In het navolgende is de spelwijze van i/j en u/v/w aan het moderne gebruik aangepast. Het hoofdlettergebruik is genormaliseerd. Doorhalingen worden niet gesignaleerd, en evidente schrijffouten zijn stilzwijgend verbeterd.

Inv. ARA-AGH 1236: 19 maart 1380 - 30 juni 1382

[fol.97r] Item tot Berghen in Henegouwen ghegeven II sprekeres die mitten lantgrave camen bi mins heren bevelen thoschede upten XXV dach van Junio anno vorsc. VIII sw. ghulden.

[fol.97r] Item te Caisenoit upten III dach van junio ghegeven te hoeschede hertoghe Robrechts III pipers ende I spreker mits dat die een brieve brochte an minen here ende mijrer vrouwen rorende van den huweliken die die grave van Spoenhim ende die grave van den Marken onderlinghe ghedaen hebben mit harer kinderen onder him allen ghegeven XXXII ghulden.

[fol.97v] Item upten selven dach [des dijnsdages na Onser Vrouwendach assumptio] ghegeven meester Janne den spreker van Ramsdonch II vr.

[fol.97v] Item upten XIX dach van september te Noyon ghegeven des hertoghen IIII pipers van Bourgoygnen, eenen spreker ende II yrauden bi heren Hansen hant van den Rijn diese him droech XX vr.

[fol.97v] Item up Sente Michielsdach te Caisnoit ghegeven des hertoghen Vrederics van Beyeren spreker te hoschede IIII vr.

[fol.97v] Item upten den VI dach van october te Caisnoit ghegeven I sprekere bi mins heren bevelen te hoschede I ghulden.

[fol.98r] Item upten heylighen Paesdage VI daghe in aprille ghegeven te hoschede des hertoghen spreker van den Berghe VIII s.g. Item meester Ragiere mitten luternen III s.g. Item meester Willem den spreker uut Vrieslant III s.g. Item meester Ruutentuut III s.g.

Inv. ARA-AGH 1237: 26 juli 1382 - 16 augustus 1383

[fol.98r] Item opten selven dach [des dynsdages na Bartholomei] enen spreker ghegeven die vanden hertoghe van Oesterrijc quam bi mijns heren ende mirer vrouwen bevelen V guld.*2

[fol.98r] Item opten selven dach [swoensdaghes na Bartholomei] enen spreker ghegeven die haeren Heynrike van Borchanster toe behoert ende voer minen here sprac bi mijns heren ende mirer vrouwen bevelen ghegeven I gulden.

[fol.98r] Item tsaterdages na XI.M Maghedendach mijn here in sijn hant ghegeven die hi den spreker die men den Jonchere vander Minnen [heet] gaf I gulden.

[fol.98v] Item opten selven dach [Sinte Aechten dach] Willem van Hilgarts berghe enen sprekerghegeven inden Haghe bi den here van Asperen I gulden, facit II s. VII d.gr. II Holls. [5-2-1383].

[fol.99r] Item sdijnxdages na Paeschdach meyster Jan den spreker ghegeven in den Haghe bi mijns heren bevelen III s. IIII d.g.

[fol.99r] Item opten IXden dach van aprille ghegeven tot Yselsteyn bi mijns heren ende mirer vrouwen bevelen meester Rutentuut I gulden.

[fol.99r] Item opten selven dach tot Yselsteyn enen spreker van Beem ghegeven bi mijns heren bevelen IIII s.gr.

[fol.99v] Item tsmanendaghes na Pijnxter ghegeven bi meester Jacob te Keynoet bi mijns heren bevelen Lingy den heraude I gulden. Item Comengies den heraude I gulden. Item enen spreker van Berghen I gulden. Item Sandoes coninc vanden herauden II gulden, facit te samen V gulden.

[fol.99v] Item opten selven dach [des vridaghes na Urbani, te Berghen in Henegouwen] Godekijn den spreker van Tricht ghegeven bi mijns heren bevelen ende mire vrouwen bevelen bi meester Jacobs hant III gulden.

[fol.99v] Item Hollanderkijn den yraude ghegeven bi mijns heren bevelen opten selven dach [des vridages na Urbani, te Bergen in Henegouwen] I gulden.

Inv. ARA-AGH 1238: 16 augustus 1383 - 2 oktober 1384

[fol.104v] Item up Alrekinderdach inden Hage ghegeven meester Willem den spreker te hovescheden III s. IIII d.g. [28-12-1383].

[fol.137r] Item upten seluen dach [op alre gode heylighen dach] betaelt bi Jacob van Hoekelen voer een ghetijd boec dat tUtrecht was doen scriven, van virlichten, van virbinden in borders ende van de beelden in te doen maken ende te bewerpen, coste IIII½ gulden, facit XI s. IX d.gr. VI Hollants.

Inv. ARA-AGH 1239: 2 oktober 1384 - 8 juni 1385

[fol.82r] Item des donresdages na beloken Paeschen tot Camericken ghecoft bi Jan vander Lardier I paer snijtmessen, I cam ende een boec boerse voir mire joncfrouwen van Hollant die op die tijt bruyt was ende hoer mit hoer ghegeven was costen XII Vr. vr. facit XXXVIII s.g.*3

[fol.82r] Item opten selven dach [donresdaghes na beloken Paeschen] tot Camericken betaelt Pieter van Arremuden die hi uutgheleit hadde voir mire joncfrouwen ghetide boecskijn te verlichte ende te verbinden tot Berghe in Henegouwen ende Wouter Scriveyn verbant V½ vranc. Item vande sloten daer aen te maken coste mits sulver daer se of sijn van maken ende van vergulden II vr., facit VII½ vranc facit XXIII s. IX d.g.*4

[fol.88v] Item opten heiligen Kerstsdach ghegeven tot Keynoet bi mijns heren bevelen daer meester Jacob die boetscip of dede Godekijn van Tricht den coninc vanden hyrauden III gulden. Item Sander den coninc vanden herauden uut Enghelant V gulden. Item Barbantson den coninc vanden hyrauden uut Henegouwen III gulden. Item Gommengijs den heraude ghegeven I gulden. Item noch Simpol den heraude ghegeven I gulden, facit te zamen XIII gulden facit XXXIIII s. I½ d.g.

[fol.89r] Item opten XII dach in merte tot Keynoet ghegeven te hovescheden bi mijns heren bevelen daer Aernt Forier die boetscap of dede des hertogen hyraude van Gulich die een boerte ende een tafelronde beriep daer die een of wesen zoude te Luttenburch ende dander te Dueren ende die een zoude wesen XIIII dage na Paeschen ende dander tsonnendages voir Pynxster him ghegeven II gulden, facit V s. III d.g.

[fol.90r] Item des sonnendages na beloken Paeschen tot Camericken ghegheven bi mijns heren bevelen meester Jan van Machelen den spreker die aldaer bi minen here ende bi mijnre vrouwen ghecomen was ter brulofte van minen jonchere Willem ende van des hertoghen dochter van Borgongen ende van des hertoghen soen van Borgongen ende mijnre joncvrouwen ghegeven III gulden.

[fol.90v] Item opten XIX dach van aprille tot Keynoet ghegeven bi mijns heren bevelen daer heer Philps van Wassenaer die boetscip of dede Pieter vander Minne II gulden.

[fol.90v] Item opten XII dach van aprille tot Keynoet ghegeven bi mijns heren bevelen, ende bi Aernts Foriers hand diere die boetscip of dede meester Jan die dichter van Raemsdonc te hovescheden II gulden.

[fol.91r] Item te Hoesden op Zente Ascensioens avonde ghegeven te hovescheden bi mijns heren bevelen Crabbendijc ende Keyser twen yerauden die een boerte daer beriepen die wesen zoude te Bruesel des zonnendaghes na Pynxter II gulden.

[fol.132v] Item omtrent den selven dach [opden IX dach van februari] heren Willem vander Haer ghegeven inden Haghe van I ghetide boecskijn dat hi voer mijnre joncfrouwe ghescreven hadde ende van aportijf daer toe III oude scilde facit X s. VI d.gr.

Inv. ARA-AGH 1240: 18 juni 1385 - 24 juni 1386

[fol.124r] Item op Sente Steffensdach inder Hage ghegeven bi mijns heren bevelen meester Willem die dichter, Apcoude den yeraude ende Hannekin die zangher van Apcoude III gulden. Item Goeswijn van Ghelre den dichter ende sinen ghesellen elx I gulden. Item Aelbrecht den vedelaer, XII gr, facit tsamen V gulden XII g. facit XIIII s. I½ d.g. [26-12-1385].

[fol.124r] Item des dijnsdaghes na Dertiendach inder Haghe ghegeven bi mijns heren bevelen Pieter van M[i]nden XXIIII g.

[fol.124v] Item optie selve tijt [14 januari] meester Jan van Machelen den dichter ghegeven bi mijns heren bevelen want hi niet tot sinen Kersavont noch tot sinen nuwen jaer en hadde II gulden.

[fol.124v] Item des donresdaghes na Onser Vrouwendach purificatio inden Haghe ghegeven bi mijns heren bevelen ende bi Aernt Foriers hant diere die boetscippe of dede meester Jan van Machelen daer hi mede thuys trecken mochte VI gulden.

[fol.124v] Item des sonnendaghes na Sinte Valentijnsdach inder Haghe ghegeven bi mijns heren bevelen ende Ghijskijn mijns heren camerlings hant diere die boetscippe of dede enen spreker die mit brieven gecomen was van hertoge Vrederic aen minen here ende aen minre vrouwen ende oec brieve brocht vandes grave hyelic van Ossen ghegeven X gulden.

[fol.196r] Item des manendages na Sinte Bavendach inder Haghe betaelt joncvrouwe Wangenile die si uutgheleit hadde van III ghetide rollekijns die si ghecoft hadde int hof voer die poirte voir mine vrouwen van Oestervant daer si daghelix in lesen soude III gulden, facit VII s. X½ d.g.*5

[fol.199v] Item des saterdages na Sinte Luciendach betaelt inder Haghe van aportijf daer mijn vrouwe cleen boecskijn in liet scriven XV g. Item van spaense groen ende van haerze daer men zeghel was mede maecten ende oec betaelt van spaense groen ende haerze die men langhe tijt sculdich hadde gheweest XL g., facit te samen LV g.

[fol.202r] Item des manendaghes na Onser Vrouwendach purificatio inder Haghe ghegeven den leesmeester van Haerlem minre vrouwen biechtvader die inder Haghe comen was bi mire vrouwen bevelen ende weder thuus riden soude him ghegeven daer hi him mit sinen ghesellen ende zijn paerde mede uter herberghe quiten soude ende zijn cost mede onderwege doen soude want hi weder thuys wesen moste III gulden.*6

[fol.203v] Item optie selve tijt [7 maart] inder Haghe ghegeven des leesmeesters gheselle van Haerlem die bi mire vrouwen waectede in hoere siecte doe si starf daer god die ziele of hebben moet I gulden.*7

[fol.206r] Item optie selve tijt [des woensdaghes na beloken Paeschen] ghegeven in Middelburch broeder Willem den leesmeester van Herlem die bi minen here ende sijn ghesinde gheweest hadde int ende vander Vasten ende thuys trecken soude V gulden.

Inv. ARA-AGH 1241: 24 juni 1386 - 24 juni 1387

[fol.123r] Item des zonnendages na Sinte Lucasdach tot Huesden minen heere ghesent bi Jacomijn die borduerwerker diere die boetscap of dede ende mijn heere voirt gaf meester Pieter vanden Minne II gulden.

[fol.123v] Item opten Jaersdach inden Hage minen heere ghesent bi Willem Cuser ende hi voirt gheven soude Huesden des heren hyeraude van Arkel II gulden. Item meester Jan des hertoghen spreker van Gulic II gulden. Item II sanghers die voir minen heere songhen I gulden.

[fol.124r] Item des zaterdaghes na Gregorij [tot Bergen in Henegouwen] ghegeven een cleen hyeraudekijn gheheten meester Jan die Hollander bi mijns heren bevelen IIII gulden.

[fol.125r] Item des woensdages na Sacramenti tot Huesden ghegeven bi mijns heren bevelen ende bi Aernts Foriers hand diere die botscap of dede des marcgraven spreker van Misen die van Onser Vrouwen sprac X gulden, facit XXVI s. III d.g.

[fol.186v] Item opten Jaersdach inden Haghe ghegeven Venus ghesellen die speelden opten Vyverberch ende aldair onteykent*8 waren him allen te zamen II gulden.

[fol.191v] Item opten zelven dach [des woensdaghes na groten Vastenavond] broeder Willaem den leesmeester van Haerlem ghegeven die bi mijns heren bevelen inden Haghe ghecomen was daer hi him mede uter herberghe quiten soude want hi thuys trecken woude III s.g.

[fol.193v] Item des manendaghes na Paeschdach inden Haghe ghegeven bi mijns heren bevelen den leesmeester van Onser Vrouwen broeders tot Haerlem want hi langhe inden Haghe gheleghen hadde ende mijn here ende ghesinde vanden hove him ghebiecht hadde XII gulden, facit XXXI s. VI d.g.

Inv. ARA-AGH 1398: 21 november 1386 - 14 april 1387*9

[p.14] Item te Mens des bisscops spreker van Trier ghegeven bi heren Jans boetscip van Kervenen II Dord. gulden.

[p.15] Item ter selver stat [te Nurenborch] op die selve tijt [des zonnendaghes na Sinte Luciendach] ghegeven des hertoghen spreker van Brunswijc I Dordr. gulden.

[p.16] Item ter selver tijt [des donredaghes na Jaerdach] bi boetscip Daniels voirs. I spreker des voochts vander stede van Vranckevoerd ghegeven I Ung. gulden daer was Jan van Cronenburch bi, facit I Dor. gulden VII g.

[p.16] Item op die selve tijt [des donredages na Sinte Agnieten dach] ghegeven te Brunsberch der stede pipers XX s. pr. Item noch te vedelaers te Melinnghe ghegeven XX s. pr. Item aldaer ter selver tijt I spreker XX s. pr. facit te gader II Dor. gulden XII gr.

[p.16] Item [des sonnendaghes na Onser Vrouwendach purificatio, te Coninxberge] noch des hertoghen vedelaer ende dichter van Stolpe ghegeven II Dor. gulden.

[p.16] Item [zelfde dag] noch hem XII pipers, vedelaers, quintaerners, dichters, sanghers XII Dor. gulden.

[p.17] Item des hertoghen spreker vander Stolpe ghegeven I marc.

[p.17] Item des hertoghen pipers van Woelghast ende enen spreker ghegeven IIII r. gulden.

Inv. ARA-AGH 1242: 24 juni 1387 - 26 juni 1388

[fol.87v] Item op Sinte Lucasdach ewangeliste inden Hage betaelt daer Floris Ghysbrechtsz. ende die scout van Delf bi waren een wijfkijn van Haerlem van II cleijn boexkijns van Onser Vrouwen ghetide, die seven salm ende ander ghebedekins die besteet waren te scriven voir mijren vrouwe van Oestervant ende miren joncfrouwe van Henegouwen welke boexkijns seer costelic ende wel vergult waren ende costen tsamen XXVII gulden facit III lb. X s. X½ d.gr.

[fol.91r] Item des saterdaghes na Sinte Pietersdach ad vinculam inden Hage ghegheven bi mijns heren bevelen ende bi Arnts hant van Weyburch diere die boetscap of dede Herman dien hyraude van Ghelre V gulden. Item enen spreker van Colen II gulden. Item enen anderen spreker die men hiet Ghecnose I gulden, facit tsamen VIII gulden.

[fol.92v] Item op die selve <tijt> [maandag na Andree] inden Hage Florens Ghysbrechtsz. betaelt die hi op Sinte Andreas avont ghegheven hadde bi mijns heren bevelen I spreker die inden Hage voir minen here gesproken hadde II gulden.

[fol.92v] Item op sinte Niclaes avont inden Hage Pieter Tetensoen mijns heren camerlinc van Oestervant betaelt die hi minen here ghelient hadde ende ghegheven meester Jan van Machelen XII gulden.

[fol.93v] Item opten Jaersdach inden Hage meester Jan van Machelen ghegheven II gulden.

[fol.93v] Item des vridaghes na Aschelenwoensdach inden Haghe ghegheven bi Florens Ghijsbrechtssoens hant meester Willem van Hilleghaersberghe die spreker die minen here vervolcht hadde op die Vastenavont II gulden, facit V s. III d.gr. [14-2-1388].

[fol.93v] Item optie selve tijt inden Hage bi Florens Ghijsbrechtsoens hant meester Jannetgen van Raemsdonc die spreker want hi minen here oec vervolcht hadde ende mijns heren ghesinde was ghegheven III gulden, facit VII s. X½ d.gr.

[fol.94r] Item des donredaghes na beloken Paeschen inden Haghe ghegheven die mijn here den proefst selve beval Goetgen van Tricht den hyraude XII gulden. Item Cleve den hyraude VI gulden facit tsamen XVIII gulden.

[fol.137v] Item des dijnxdages na Sinte Baven dach Willem Cuser betaelt die hi minen here gheleent hadde. Eerst die mijn here I clusenaer in Moermaeye gaf doe hi leste jaghede I gulden. Item die hi tot Woudrichem meester Pieter vander Mijnde gaf I gulden, facit II gulden.

[fol.141r] Item op Alrekinderdach broeder Willem die leesmeester vanden carmeliten tot Haerlem mijns heren biechtvader die die hoechtijt inden Haghe gheleghen hadde ende thuys trecken woude III gulden, facit VII s. X½ d.g.

[fol.142r] Item des manendages na Onser Vrouwendach purificatio inden Haghe ghegheven bi mijns heren bevelen den ghesellen vanden Haghe die des avont an minen here cokerelden II gulden.*10

[fol.143r] Item des manendaghes voir cleyn vastenavont inden Haghe ghegheven voir te Pieter Bats alrehande ghesellen ende joncwiven uten Haghe die an minen here cokerelden ghegheven bi mijns heren bevelen ende bi heren Hansen hant I gulden.

[fol.143v] Item uptie selve tijt [sonnendaghes doe men sanc Judica] so gaf die proefst minen here up sijnre taelgerie inden Haghe die hi seyde dat hi meester Jan van Machelen den dichter gheven soude IIII ny gulden ende want meester Jan van Machelen den proefst daer na vervolgde ende seyde dat him mijn here niet ghegheven en hadde so gaf him die proefst upten selven dach in sijns selfs hant IIII gulden, facit VIII gulden, facit XXI s.g.

[fol.144r] Item des dynxdaghes na beloken Paeschen inden Haghe ghegheven den leesmeester van onser vrouwen broederen van Haerlem mijns heren biechtvader die inden vasten inden Haghe gheleghen hadde ende thuys varen soude VIII guld. Item sinen gheselle II guld., facit X guld., facit XXVI s. III d.g.

[fol.145v] Item des sonnendaghes na meye dach inden Haghe ghegheven bi mijns heren bevelen de ghesellen die doe speelden inden Haghe vander Heylighen cruys dach II gulden.

[fol.146r] Item des woensdaghes na pinxter dach inden Haghe ghegheven broeder Willem mijns heren biechtvader die lesemeester van Onser Vrouwen broeders van Haerlem die in die weke van pinxster inden Haghe gheleghen hadde tot mijns heren behoef him ende sinen gheselle ghegheven voir horen cost ende mede thuys te comen VIII gulden, facit XXI s.g.

Inv. ARA-AGH 1243: 24 juni 1388 - 24 juni 1389

[p.111] Item opten meyenavont inden Haghe ghegheven bi mijns heren bevele den leesmeester van Haerlem mijns heren biechtvader die die Vasten minen heren ghevolcht hadde daer hi mede thuys trecken soude X Dordr. gulden. Item sijn gheselle tot I cappe V Dordr. gulden. Item sijn convent tot Haerlem te hulpe tot hore tymmeringhe V Dordr. gulden, facit tzamen XX Dordr. gulden, facit stic XXXIII gr. [facit] II lb. XV s.gr.

[p.155] Item des sonnendaghes na Sinte Jacobs dach Tordrecht doe mijn here van Huesden quam ghegheven alrehande lude die voir minen here op die tijt aldaer ghesonghen, ghepepen ende ghespeelt hadden. Eerst dar stede pipers van Dordrecht II gulden. Item Ydekijn mit twie ghesellen die songhen II gulden. Item II andere sanghers I gulden. Item Aleit van Bult van lichtbroet ende voir clareyt I gulden. Item noch II lude mit I lute ende I gitterne I gulden. Item meester Jan mitter santerie I gl. Item I man mit I kinde die pijpten I gulden, facit tsamen IX gulden.

[p.160] Item des sonnendaghes na Aghate doe mijn here, mijn here van Oestervant, mijn vrouwe van Oestervant ende mijn joncvrouwe tot sproefst huys aten twie sanghers die daer voir minen here songhen II guld. Item enen ander die een speeltgen voir minen here seyde I guld.

[p.160] Item opten Aschelen woensdach inden Haghe ghegeven bi mijns heren bevelen ende bi Willem Cusers hant ende des conincs vanden pipers hant diere die boetscip of dede alrehande pipers ende hyraude die ten hove ghecomen waren in den Haghe. Eerst des heren IIII pipers ende II trompeners van Ghelre XXIIII gulden. Item des heren pipers van Arkel VI gulden. Item des heren hyraude van Haverets III guld. Item des heren hyraude van Gommegijs IIII guld. Item meester Jan een spreker die bi den here van Abcoude is II gl. Item enen spreker die bi heren Philips van Wassenaer te wesen plach I gl. Item meester Willem van Hillegaersberghe den sprekerI guld. Item Gulich die hyraude II guld. Item noch I ander spreker gheheten meester Jan II guld., maect te samen XLV guld. facit V lb XVIII s. I½ d.g. [3-3-1389].

[p.163] Item XXV daghe in meye inden Haghe ghegeven bi mijns heren bevelen ende bi Jorghel die Beyersche clercs hant diere die boetscip of dede enen spreker die voir minen here ghesproken hadde ende minen here langhe vervolghede II guld.

[p.163] Item inden Haghe ghegeven bi mijns heren bevelen ende bi Willems vanden Berchs hant diere die boetscip of dede enen spreker gheheten Meeus van Dordrecht I Dordr. gulden.

[p.267] Item opten Jaersdach inden Haghe ghegeven broeder Willem die leesmeester mijns heren biechtvader die te Kersavent ende daer omtrent inden Haghe gheleghen hadde ende mijns heren en sijns ghesyns biecht gehoert hadde ghegeven te teerghelde mede thuys te trecken VIII gulden.

[p.268] Item optie selve tijt [Sinte Aechtenavont] betaelt ende ghecoft bi Aelbrecht die camerling tot mirer joncfrouwen behoef van Hollant een ghetideboec coste VI vr. facit XX s.gr.*11

[p.269] Item tzaterdages na Mathei inden Haghe ghegeven cleen Aelkijn daer si mede copen soude een cleen boexkijn voer een joncfroukijn uut Beyeren dat bi mirer vrouwen van Oestervant was II Dordr.gulden facit V s. VI d.gr.

[p.269] Item betaelt van I boexkijn te scriven dat heren Jans vander Zijtwinde plach te wesen roerende van alrehande hantvesten die tlant van Zuuthollant roerden van die paelsceidingen daer des heren lude van Putte op denken ende studeren souden betaelt II gulden, facit V s. III d.gr.

Inv. ARA-AGH 1244: 24 juni 1389 - 24 juni 1390

[fol.76r] Item XIIII dage in julio inden Hage ghegeven bi mijns heren bevelen daer her Pouwels van Haestrecht ende her Hanse ende meester Reyner bi saten etende datse die proefst leverde Willem Cuser diere die boetscip of dede des heren spreker van Misen X Dordr. gulden.

[fol.76v] Item opte selve tijt inden Hage ghegeven bi mijns heren bevelen bi Philipskijn uter bottelrien diere die boetscip of dede I spreker I Dordr. guld.

[fol.76v] Item optie selve tijt [Sinte Marien Magdalenen avont] meester Willem den sprekerghegeven I Dordr. gulden, facit II s. III d.g. [21-7-1389].

[fol.78r] Item des vridaghes nader XI.M Maghedendach ghegeven Tordrecht bi mijns heren bevelen daer Floris Ghisebrechtsz. ende meester Reyner ende her Jan bi waren. Eerst mijns heren pipers van Ghelre XXV gulden. Item Godeken van Tricht XII guld. Item Herman Lyaen die coninc VIII gulden. Item des heren knecht van Arkel II gulden. Item Apcoude II gulden, facit tsamen XLIX gulden.

[fol.79r] Item optie selve tijt [XVII dagen in februario inden Haghe] I spreker die voir minen here ghesproken hadde II gulden. Item eenre dienre die voir minen here ghesonghen hadde I Dordr. gulden, facit III Dordr. guld.

[fol.79v] Item XX daghe in februario inden Haghe ghegeven bi mijns heren bevelen ende bi Yeruex roedraghers hant diere die boetscip of dede daer her Pouwels van Haestrecht bi stont des graven persewant*12 van Scoenburch uut Zwaven die spreken conste VIII Dordr. gul.

[fol.79v] Item VII daghen in maerte in Middelburch ghegeven bi mijns heren bevelen ende bi Willem Cusers hant des heren pipers vander Veer III Dordr. gulden. Item des heren pipers van Berghen IIII Dordr. gulden. Item enen vedelaer mit enen gheselle die spreken conde ende voir minen here ghesproken hadde I Dordr. gulden, facit tsamen VIII Dordr. gulden.

[fol.80v] Item opten Paeschdach in Middelburch ghegeven bi mijns heren bevelen bi heren Pouwels hant van Haestrecht den IIII pipers vander stede van Middelburch III gulden Dordr. ItemWillem van Hillegers berghe ende II ander sprekers mit hem tsamen IIII gulden. Item meester Jan den zangher ende sinen gheselle die voir minen here zanghen II gulden. Item I zangher van Middelburch bi heren Pouwels ende Staessen hant I gulden, facit tsamen XI Dordr. guld. facit XXV s. VIII d.g. [3-4-1390].

[fol.81v] Item XV daghe in junio inden Haghe ghegeven bi mijns heren bevelen bi Aernt foriers hant diere die boetscip of dede enen spreker uut Polanen II gulden. Item den selven ghegeven want mijn here seyde want hi mire vrouwen vader*13 toe behoerden VII gulden, facit tsamen IX gulden.

[fol.81v] Item opten selven dach [XV daghe in junio] inden Haghe I spreker uut Beem bi mijns heren bevelen ghegeven ende bi Jorghels hant II Dordr. gulden. Item Aelbrecht den vedelaer I Vr. vr., facit tsamen VII s. X d.gr.

[fol.130r] Item opten Korsdach ghegeven bi mijns heren bevelen III ghesellen mit II wiven die voir minen here ghesonghen hadden tot hore hoechtijt III Dordr. gulden. Item meester Willem den spreker I Dordr. scilt. Item Bertelmees den spreker van Dordrecht II dordr. scilde, facit tsamen XVII s.gr. [25-12-1389].

Inv. ARA-AGH 1245: 24 juni 1390 - 25 november 1390

[fol.63r] Item tot Ludic [XII daghen in julio] inder Lomberden huuys sprekers ende gokelaers ghegeven tsamen die miren heere vervolghet hadden III ghulden.

[fol.63r] Item XII daghen in julio ghegeven Ghelre den hyraude II cronen. Item meester Jan van Raemsdonc II cronen, facit tsamen IIII cronen.

[fol.63v] Item tot Diest een spreker van Westvalen ghegeven bi mijns heren bevelen een gulden.

[fol.65r] Item des manendaghes na sente Matheus dach ewangelist inden Haghe ghegeven bi mijns heren bevelen ende daer Willem de Cuser die boetscip of dede des hertoghen II sprekers van Heidelenberch. Eerst VI ghulden ende na VIII oude scilde, facit XVIII ghulden, facit II lb. II s.g.

[fol.65r] Item des saterdaghes na Symonis ende Jude apostolorum inden Haghe bi mijns heren bevelen een spreker uut Beyeren die her Pouwels van Haestrecht him brochte ende daer Ghijskijn Florensz. die boetscip of gedaen hadde II gulden, facit IIII s. X d.g.

[fol.88v] Item Doedekijn betailt bi Ghijskijn van Diepenburch van een boexkijn uut te scriven daer die kore van Zeelant in staet II gulden, facit IIII s. VIII d.g.

[fol.93r] Item des manendaghes na Mauricii inden Haghe ghegheven bi mijns heren bevelen broeder Willem mijns heren biechtvader die in die Haghe bi minen here gheweest hadde daer hi mede thuys trecken soude ghegheven III oude scilde, facit X s.g.

[fol.94r] Item op Sinte Martijns dach inden winter inden Haghe ghegheven bi mijns heren bevelen den leesmeester van Onser Vrouwen broeders tot Haerlem die mijns heren biechtvader is want hi wel XIIII daghen bi minen here inden Haghe gheleghen hadde daer hi weder mede thuys soude trecken IIII cronen, facit XII s. IIII d.g.

Inv. ARA-AGH 1246: 25 november 1390 - 25 november 1391

[fol.40v] Item bi mijns heren bevelen des anders daghes na Paesdach broeder Willem den lezemeester van Haerlem ghegeven XII gulden.

[fol.56r] Item opten selven dach [Kersdach] een spreker bi mijns heren bevelen ghegeven II guld.

[fol.56r] Item meester Willem den dichter opten selven tijt [Kersdach] ghegeven I scilt, facit III s. IX d. [25-12-1390].

[fol.56r] Item des saterdaghes na Dertiendach bi mijns heren bevelen ende Craels hant eenrehande pipers uut Inghelant ghegeven X gulden ende meester Jan de dichter die biden here van Apcoude plach te wesen II gulden.

[fol.56v] Item opten selven dach [woensdag na Pasen] Goedgen van Tricht den heraut ghegeven VI guld. ende een ander heraut hoerde toe hertoghen Heynric van Bruynswijc IIII guld.

[fol.56v] Item opten anderen dach in meye bi mijns heren bevelen ende Everlijn Wengers hant des hertoghen spreker van Appelen ghegeven XII gulden.

[fol.56v] Item opten selven tijt tot Leyden bi mijns heren bevelen een ander spreker ghegeven III crone.

[fol.57v] Item smanendaghes nader XI.M Magdendach des grave spreker van Riedberch ghegeven VI gulden.

[fol.57v] Item opten selven dach een spreker die toebehoerde here Baudijn vanden Marardrie here tot Zichter III gulden.

[fol.57v] Item smanendaghes na Sinte Symon ende Juden dach een spreker die toe plach te behoeren der coninghe van Beem IIII gulden ghegeven.

Inv. ARA-AGH 1247: 6 december 1392 - 1 januari 1394

[fol.57r] Item up Sinte Jans dach Ewangelist bi heren Pouwels IIII sangher gegeven ende enen vedelaer elcx enen gulden, stic XXXVI lichte g. Ende enen spreker enen Berchsc. scilt van XLVIII lichte g., facit die III voir II nye g. XII sc. VIII d.g.

[fol.57r] Item upten Jaersavont bi mijns heren bevelen meester Jan dez heren spreker van Gaesbeke gegeven II guld., stic XXXVI lichte g., facit die III voir II nye g. IIII s.g.

[fol.57r] Item omtrent Dertiendendach bi mijns heren bevelen ende bi hande heren Pouwels van Haestrecht enen vedelaer gegeven III guld., Gulic den heraut III guld., Dirc Nellenz. ende meester Jan die dichter elc II guld., stic XXXVI lichte g. Item meester Jan Stantvast III oude scilde, Jacobmijn den borduyrwerker II oud scild. Item Pieter Sappelsbroeder IIII oud scild. Item Woutken enen ouden scilt stic LIII lichte g., facit tsamen die III voir II nye g. II lb. IX s. V d.g. I Ing.

[fol.57v] Item ter selver tijt [VII dage in meye] bi heren Pouwels hant meester Pieter vander Minnen gegeven I nyen scilt.

[fol.58r] Item ter selver tijt [svridaghes na des heylichs sacraments dach] bi mijns heren bevelen enen jonghen spreker van Holsten geheten Hopezomer II nye scilde ende enen jongen piper XII g.

[fol.58r] Item up Sinte Jansdach baptiste [tot Hairlem] bi mijns heren bevelen meester Willem van Hildegaertsberge gegeven VI s. VIII d. [24-6-1393].

[fol.58r] Item des donredaghes dair na des heren pipers van Bronchorst gegeven VI nye scilde ende enen spreker die den here van Lymburch toebehoerde II nye scilde.

[fol.58r] Item ter selver tijt [VII dage in julio als mijn here voirden huze tot Althena was*14] bi mijns heren bevelen ende bi Claes Jacobs soens hant II overlans spreker gegeven VIII guld.

[fol.58r] Item XIIII dage in julio bi mijns heren bevelen II sprekeren gegeven als hi vanden huze tot Althena tot Gorinchem gecomen was VIII guld.

[fol.58v] Item up Onser Vrouwenavont assumpcio bi mijns heren bevelen als hi tot Egmonde was II spreker toebehorende den hertoge van Lotrijc ende enen vedelaer toebehorende den bisscop van Mets gegeven elken IIII nye scild.

[fol.58v] Item tsonendaghes dairna bi mijns heren bevelen enen spreker toebehorende den hertoge vander Tasschen gegeven II nye sc.

[fol.59r] Item sdijnxdages na Sinte Michielsdach bi mijns heren bevelen den coninc*15 van Henegouwen gegeven X guld. Item II vedelaers toebehorende den hertoge van Bruynswijc X guld. Item enen spreker toebehorende den here vander Veer II guld.

[fol.59r] Item VI dage in novembri bi mijns heren bevelen gegeven den spreker geheten Herman Holsten III nye scild.

[fol.59v] Item ter selver tijt [op Sinte Stevensdach] bi mijns heren bevelen meester Willem van Hildegaertsberge gegeven IIII nye scild., stic XL g., facit XIII s. IIII d.g. [26-12-1393].

Inv. ARA-AGH 1248: 1 januari 1394 - 15 april 1394

[fol.26r] Item XII dagen in februario gegeven enen knecht die sanc ende dichte voir minen here geheiten die Wilde Vos bi sinen bevelen gegeven VI guld., stuc XXIII g.*16

[fol.26r] Item V dagen in aprille XXXV piperen vander heren wapen gegeven die tot mijns heren brulofte*17 gecomen waren LX guld. Item alrehande stede pipers tsamen gegeven LVI gul. Item VI herauden tsamen XXX guld. Item III parsevant elcx IIII guld. Item enen speelre uptie quintaerne toebehorende den coninc van Beem VIII guld. Item enen vedelaer toebehorende den hertoge van Oistenrijc XX gul. Item hem drien toebehorende den hertoge van Sassen spelende upter quintaernen XV gul. Item enen orgelaer ende enen vedelair toebehorende den bisscop van Wyertsberch VIII guld. Item meester Willem van Hildegaertsberge, meester Jan van Raemsdonc ende enen spreker toebehorende den grave van Hoensten elc IIII guld. Item enen vreemden spreker sonder wapen II gul. Item joncher Otten*18 spelende uptie quintaernen XL gr. Item Bom dez heren knecht van Zevenbergen LXXX gr. Item Wijs Neve die mit mijnre vrouwen van Hollant*19 quam gegeven VI gul. Item Heynken mitter stelt enen gul. Item IIII sanghers elcx enen gul., facit IIC XXXIIII nye gulden stuc XXIII gr., facit XXII lb. XVIII s. VI d.g. [5-4-1394].

Inv. ARA-AGH 1249: 16 april 1394 - 31 oktober 1394

[fol.37r] Item ter selver tijt [VIII dage in junio] enen spreker ende eenre joffrouwe die cokelen conde III ny gulde elx. Item ter selver tijt bi mijns heren bevelen enen die met enen honde speelde III ny gulden.

[fol.37r] Item XVI daghe in junio bi mijns heren bevelen tot Huesden des heren piper van Rotselaer VI ny gulden. Item ter selver tijt enen spreker VI ny gulden. Item noch ter selver tijt Kyndimieridi*20 bi mijns heren bevelen die bi minen heer van Ludic woent X nye gulden, facit tsamen II lb. II s. II d.g.

[fol.51r] Item XXV daghen in aprille bi mijns liefs heren bevelen brueder Willems gheselle ghegheven V oude fc. tstuc XXXIIII gr., facit XIIII s. II d.g.

[fol.51v] Item des dorden daghes in meye bi mijns heren bevelen den ghesellen vanden spele inden Haghe ghegheven II nye gulden, tstuc XXIII g.

Inv. ARA-AGH 1250: 31 oktober 1394 - 31 oktober 1395

[fol.38v] Item swoensdaghes indie pijnxterheilighe daghe mire vrouwen by horen bevelen ghesent bi Pieter Tetensoen diere die bootscap of dede in hoirs selfs hand ende si voirt gheven soude broeder Willem horen biechtvader VII nye guld.

[fol.51r] Item by heeren Danels hand vander Merweden enen vreemden spreker die voir minen here sprac ghegheven I Hollansc. gulden.

[fol.51r] Item XX dage in november tot Keynoit bi mijns heeren bevelen ghegheven dair Jan van Sevenberghen die bootscap of dede des coninx spreker van Vrancrike IIII guld.

[fol.51r] Item [upten heilighen Kersdach] Bertelmeus heeren Clais dichter van Cortkenen bi mijns heeren bevelen ghegheven I Ghelr. gul.

[fol.51r] Item swoensdaghes dair na bi mijns heeren bevelen dar heere Danel vander Merweden die bootscap of dede meister Willem van Hildegardsberge ghegheven I scilt, facit III s. VI d.g. [30-12-1394].

[fol.52r] Item smanendaghes indie Paescheiligen dage by mijns heeren bevelen by aenbrenghen Jans van Zevenberghen meister Willem van Hildeghartsberghe den dichter ghegheven IIII nye gul., facit VIII s.gr. [12-4-1395].

[fol.52r] Item XIII dage in meye by mire vrouwen bevelen inden Hage ghegeven enen man die een meister wezen woude vandes menschen phizonomie aen te sien III nye guld.

[fol.52r] Item III dage in junio inden Haghe by mijns heeren bevelen III speelren toebehorende den heere van Diest dair die een een jonc kint of was ghegheven III gul.*21

[fol.63v] Item upten selven dach [vridaghes na Onser Vrouwendach concepcio tot Mechelen] by mijns heeren bevelen Isebrande van Heemskerc ende meister Jan van Dille ghegheven II guld.

[fol.94r] Item ssonnendaghes na Sinte Marien Magdalenendach tot Gent der stat spreker van Gent gegeven VIII gr.

[fol.94v] Item ssaterdaghes up Sinte Dyonisius dach by mijns heeren bevelen by aenbrenghen Ghijskins Barbiers enen spreker des graven van Cleve ghegheven IIII nye gul.

Inv. ARA-AGH 1251: 31 oktober 1395 - 31 oktober 1396

[fol.39v] Item sdijnxdages in die Passiweke inder capellen inden Haghe mijnre vrouwen by haren bevelen gezent in hoirs selfs hand by Willem van Wisch diere die bootscap af dede ende sij voirt gaf broeder Willem horen biechtvader X nye gulden, facit XVII s. XI d.g.

[fol.47r] Item XV dage in aprille tot Hairlem by mijns heeren bevelen enen Jacopijn die meister in theologiam werden soude gegeven te hulpe tot sinen coste want mijn here hem gheen bedebrieve en gaf aen sinen steden ende goiden luden als hi begherende was X nye sc. facit XXXIII s. IIII d.g.*22

[fol.58r] Item upten Jaersdach by mijns heeren bevelen IIII sanghers gegeven II gulden. Item enen spreker toebehoerende heren Claes van Cortkenen I scild. Item mijns heeren pipers III nye gulden.

[fol.58r] Item upten selven dach [upten Jaersdach] meister Willem van Hillegairsberge by mijns heeren bevelen gegeven enen roc mede te copen ende te drincgelde VI nye scilde facit XX s.g. [1-1-1396].

[fol.58r] Item uptie selve tijt [upten heyligen Dertiendach] enen spreker van Monickedam by mijns heeren bevelen by aenbrengen Clais van Ecke gegeven enen gulden.

[fol.59r] Item meister Willem van Hillegairdsberge [VIII dage in julio] by mijns heeren bevelen by aenbrengen Wolfaerts van Culenburch gegeven IIII gulden, facit VII s. II d.g. [8-7-1396].

[fol.59r] Item XVIII dage in julio enen spreker van Monikedam by Willem vanden Berge by mijns heeren bevelen gegeven I heneg. cronen. Item III speelrer die genen heere en hadden III gul.

[fol.59r] Item XIIII dage in augusto enen spreker die mynen heere enen brief brocht uut Polaen by Jan van Zevenbergen VI gulden. Item enen anderen nyen heraut IIII gul.

[fol.81v] Item [zaterdag na Sinte Katherinendach] by mire vrouwen bevelen by meister Clais vanden Water betailt van enen boeke dat mijn vrouwe hadde doen scriven III gul.

[fol.82v] Item enen man betailt van enen cleynen bemailden cledekijn dair negen die beste in staen in die raitcamer II Dordr. gulden facit IIII s. VI d.g.

[fol.83r] Item [upten Jairsdach] by mijnrer vrouwen bevelen by broeder Willem mijns heren biechtvader gegeven tot mirer vrouwen boec dat mijn vrouwe hem bevolen hadde te doen maken X ny gul., facit XVII s. XI d.g.

[fol.83v] Item [9 februari] mijns heren pertrizeere*23 by mijns heren bevelen gegeven II sc. ende den gesellen uten Hage die een spil gehadt hadden upter Plaetzen te hulpe te horen coste IIII ny gul., facit XVII s. X d.g.

[fol.84r] Item [7 maart] eenrer joncfrouwen die cloisterboeken brocht voir mijnre vrouwen gegeven I gulden, facit XXI½ d.gr.*24

[fol.85r] Item [upten beloken Paischen] dat monicxken dat mit broeder Willem mijns heren biechtvader inden Haghe gecomen was by mijns heren bevelen gegeven te hulpe een cappe mede te copen biden proefst van Bergen II gulden.

[fol.88r] Item [III dage in augusto] bider vrouwen van Crunyngen by mirer vrouwen bevelen noch gegeven up mirer vrouwen boec te schriven broeder Willem den biechtvader IIII scil. XX gr., facit XV s.gr.*25

[fol.88v] Item [donderdag na Onser Vrouwendach assumptio] noch betailt van een kistkin dair alrande mijns heren boeken in gevoert worden III s. IIII d.g.

Inv. ARA-AGH 1252: 31 oktober 1397 - 31 oktober 1398

[fol.42r] Item omtrent die selve tijt [sdinxdages na Onser Vrouwendach conceptio] meister Clais Jansz. vanden Water betailt van enen boec van medecine die gegeven him gecoft wort ende gegeven meister Jan van Leiden X vrancke, facit XXX s. X d.

[fol.44v] Item XXIIII dage in meye bi heren Jan van Renisse bi miren vrouwen bevelen enen man van Utrecht die mire vrouwe een boec verlichten soude gegeven VI sc.

[fol.55r] Item up Sinte Steffensdach bi mijns heren bevelen bi hande Willems vanden Berge IIII speelres des coninx van Vrancrijck gegeven X gul. Ende enen trompenaer des bisscops van Straesburch gegeven voir ende na IX gul. Item meister Willem van Hildegersberge gegeven I scilt. Item Mees van Dordrecht I gulden, facit tsamen den gulden voir XVIII gr. gerekent XXXIII s. IIII d.g. [26-12-1397].

[fol.55r] Item up Alrekinderdach enen spreker toebehorende den here van Gistel bi Wailwijn gegeven bi mijns heren bevelen I scilt.

[fol.55r] Item upten Jaersdach by mijns heren bevelen sinen pipers ende mijns heren pipers van Oistervant ende van Ludic gegeven XXIIII quade gul. Item Vorstensteyn ende Scoenhoven den herauden VIII gul. gegeven. Item enen spreker van Monickedamme XX gr. Item een deel sangers II gul.

[fol.56r] Item uptie selve tijt [up sheilichs Cruysdach] meister Willem van Hildegersberge bi mijns heren bevelen bi meister Jan gegeven I scilt, facit III s. IIII d.g. [14-9-1398].

[fol.80r] Item swoensdages na Sinte Katherinendach bi mijns heren bevelen bi Jacob Willem betailt van boucen die mijn here gecoft hadde III gulden stuc XVIII g., facit IIII s. VI d.

[fol.81r] Item upten Heiligen Dertiendenavont bi mijns heren bevelen bi hande Jan Nagels betailt van enen roc die meister Pieter vander Mynne hadde III sc., facit X s.gr.

Inv. ARA-AGH 1253: 31 oktober 1398 - 25 oktober 1399

[fol.43v] Item upten Vastenavont den gesellen die inden Hage inder zale voir mynen heere ende mirer vrouwen I spil gespeelt hadden bi horen bevelen gegeven te verdrincken XX ny gulden.

[fol.55r] Item des anderen dages in die Kerssheilichdage bi mijns heren bevelen Mees van Dordrecht gegeven bi Willem vanden Berge II ny gulden. Item enen knecht die diener des graven vander Marck plach te wesen IIII oude gul. Item enen man spelende uptie orgelen III ny gul. Endemeester Willem van Hildegersberge gegeven III ny gul., facit tsamen XX s. VII d.g. [26-12-1398].

[fol.55r] Item upten Jairsdach bi mijns heren bevelen sinen piperen tot horen nyen jair gegeven XX ny gul. Item den sangers I Gentsc. sc. Item Vranc Poesz. knecht die mynen heere snoeck brocht bi Gijsken Barbier II gl. Item enen spreker van Monikedam gegeven I Hollsc. gul. Ende den pipers vander Hage I gul.

[fol.55r] Item omtrent Sinte Agnietendach bi onderling bi mijns heren bevelen Haniken den sot gegeven IIII ny gulden I Ing. nobel. Ende den spreker van Monickedam die mynen here een sproke vanden Vriezen*26 over gaf gegeven II ny gul.

[fol.55r] Item upten Vastenavent den sangers gegeven bi mijns heren bevelen II ny gul. Item Mees van Dordrecht II gul. Item meister Clais Jansz. vanden Water I gul. Item Bom IIII gul.

[fol.55r] Item XVIII dage in februario bi heren Jan van Heenvliet des heren heraut vander Veer gegeven IIII ny gul. ende I spreker I gul.

[fol.55v] Item sdinxdages in die Paischeilichdage bi mijns heren bevelen bi Willem vanden Berge gegeven des heren knecht van Goreys II gul. Item enen schermer II gul. Item des heren knecht van Heynsberch III gul. Item den sangers I gul. Item den bode van Bremen II gul. Item Bartolomees van Dordt I gul.

[fol.55v] Item IIII dage in aprille bi mijns heren bevelen bi aenbrengen Jorgels meester Willem van Hildegersberge gegeven I lb.gr. [4-4-1399].

[fol.55v] Item XXIIII dage in meye meester Pieter vander Mynne bi mijns heren bevelen bi aenbrengen here Jans van Renyssen gegeven II Hollsc. scilden.

Inv. ARA-AGH 1400: 10 juni 1398 - 25 december 1399*27

[fol.57v] Item upten selven dach [sdonredaghes na Sinte Barbaren dach tot Bergen in Henegouwen] gegeven bi den selven ende bij mijns hern bevelen des conincx sprekers van Vrancrijc IIII Gelr. gul.

[fol.57v] Item inden Hage omtrent Vastelavont enen spreker die voir minen heere een sproke sprac vander vriescher reyse gegeven bi den burchgrave I oud heneg. crone.

Inv. ARA-AGH 1254: 10 oktober 1399 - 10 oktober 1400

[fol.56r] Item upten Jaersdach bij mijns heren bevelen bij Gijskin Barbier den valkeners knechten gegeven tot horen nyen jaer III gul., der hayckiers knechten III gul., den II rosknechten IIII gul. Item Willem van Hillegertsberge VI gul. Item broeder Adriaen I gul. Item bij Jorgel enen knecht die minen heere inden Briele een boitscap dede anden rentemeester I gul. Item om Gode gegeven I gul. Item Vranck Poessoons knecht die minen heere snoeck brochte I dor. gul. Facit tsamen XXXV s. IX d.g. [1-1-1400].

[fol.74v] Item broeder Dyrc meyster inder godlicheyt die inden vasten inden Hage gepredict hadde inder capellen ende des anderen daghes na Paischen in sijn cloister trecken soude gegeven bij mijns heren bevelen te hulpe tot sinen teergelde III goud sc., facit XI s. III d.

[fol.75v] Item XIX dagen in meye bij heren Gijskin van Diepenburch enen dichter geheten Clais van Monickedam bij mijns heren bevelen gegeven te virdrinken I nobel. Item uptie tijt biden selven enen armen priester uut Oistvrieslant die niet te virteren hadde gegeven III gul.

[fol.106v] Item in die Kersheiligedage bij Wynant Tammelair gegeven des hern spreker van Huyst bi mijns heren bevelen III guld. Item biden selve gegeven Campsoer den heraut III gul., facit tsamen X s. VI d.g.

[fol.106v] Item op Alrekinderdach bij mijns heren bevelen dair Willem vanden Berge die boitscap of dede gegeven Bertelmeus den spreker I Dor. gul.

[fol.107r] Item bij Gijskin Barbier des donredages na Paischen bij mijns heren bevelen meister Willem van Hillegertsberge gegeven die voir minen heere gesproken hadde V gul., facit IX s. II d.g. [22-4-1400].

[fol.107r] Item III dagen in meye by Wynant Tammelair mijns liefs heren pipers gegeven te virdrinken upt nye liet vander meye dat mijn heere gemaict hadde II dor. gul., facit V s.gr.

[fol.108r] Item X dagen in augusto meister Willem van Hillegertsberge die voir minen heere gesproken hadde gegeven bij sinen bevelen bij Boudekin mijns hern clerc te huesschede II Hol. gul., facit V s.g. [10-8-1400].

Inv. ARA-AGH 1255: 10 oktober 1400 - 10 oktober 1401

[fol.36r] Item des manendages indie Paischeilige dage mijnre liever vrouwen bij Ailbrecht den Bastairt gesent in hoir selfs hant ende sij voirt geven soude den gesellen die Ons Heren Virrisenisse inder kerken gespeelt hadden II Gelr.gul.

[fol.42r] Item broeder Dyrc meister inder godlicheit betailt bi Boudekin voirs. ende him gebraken van reysen ende coste die hi gedaen hadde als hi jegens den hoichtide bi mynen lieven heere pleecht te comen XXIIII s.g.

[fol.43r] Item X dage in januari meister Dyrc den monick bi mijnre vrouwen bevelen betailt die hi uutgeleit hadde om een boeck voir mijnre vrouwen dat hi hoir gemaict ende gebrocht hadde al bereit XX Hol.sc. tstic L gr., facit IIII lb. III s. IIII d.g.

[fol.54r] Item IIII dage in aprille bij mijns liefs hern bevelen ende bij des gemeyns raits goetdenkenmeister Willem van Hillegertsberge die upten Paisdach voir mynen lieven heere gesproken hadde gegeven te drincgelde VIII gul., facit XVII s. IIII d.g. [4-4-1401].

[fol.84r] Item swoensdages na Kersdach bij mijns heren bevelen meister Willem van Hillegertsberge gegeven III Vlaems. nobelen tstic C g. Item Bertelmeus den spreker gegeven II½ ny g., facit XXX s.g. [29-12-1400].

[fol.84r] Item Dyrc Mathijsz. die voir mynen lieven heere gesproken hadde gegeven te verdrinken XII d.gr.

[fol.84r] Item bij mijns hern bevelen dair Willem die Bastairt die boitscap of dede meister Pieter uter Mynne gegeven I Hol. scilt.

[fol.84r] Item upten Jairsdach bij mijns liefs hern bevelen sinen pipers tot hoir nyen jair gegeven XX ny gl. Item des hern pipers van Arkel VI ny gul. Item den sangers II gl. Item den pipers uter Hage II gl. Item enen dichter I gul. Item Mertijn Platbuerz I dub. crone. Item Vrieslant den heraut I dub. crone. Item Wilmet uter Stove I piet.

[fol.84r] Item upten Vastelavont Wouter Scot gegeven te virdrinken I oude Gelr. gul. Item Roel den organist I nobel. Item Monickedam den spreker I ny gl.

[fol.84r] Item uptie selve tijt enen spreker toebehorende der vrouwen van Weertenburch bij mijns hern bevelen daer Herman Willemss. die boitscap of dede gegeven X ny gulden tstuc XXV gr.

[fol.84v] Item XXV dagen in aprille bij mijns liefs hern bevelen dair Wynant voirs. die boitscap of dede enen spreker toebehorende des marcgrave van Hoberch die voir mynen heere gesproken hadde gegeven te huesschede II gulden.

[fol.84v] Item uptie selve tijt [maandag na Pinksteren] enen spreken toebehorende den heere van Haelwijn in Vlaenderen by mijnre vrouwen bevelen gegeven bi Wynant II Dor. gul.

[fol.85r] Item uptie selve tijt [6 juli] bij den selven bij mijns liefs hern bevelen enen speelre toebehoerende mijns liefs hern dochter des hertogynnen van Oisterrijck*28 die bi mynen heere oic gecomen was gegeven te huesschede VIII ny gl. Item den selven na gegeven bi mijns hern bevelen want mijn heere dochte dat hi te luttel hadde noch VIII ny gl.

Inv. ARA-AGH 1256: 10 oktober 1401 - 4 maart 1402

[fol.32r] Item up Alrekinderdach meister Willem van Hillegertsberge die voir mynen heere ende den rade gesproken hadde gegeven bij mijns hern bevelen V oude scilde. Item uptie selve tijt Bertelmeus den spreker gegeven III ny gl., facit tsamen XXIII sc. VII d.g. [28-12-1401].

Inv. ARA-AGH 1257: 22 juli 1403 - 22 juli 1404

[fol.57r] Item tsaterdages dair na [na Onser Vrouwendach assumptio] tot Egmond des graven spreker vander Marck gegeven I sc. Ende Hanssen den piper oic gegeven bi mijns heren bevelen gegeven I sc.

[fol.57r] Item op Sinte Michielsdach bi Johannes enen spreker geheten meester Pieter gegeven XXI d.g.

[fol.57v] Item tsonnendages naden heyligen Kerssdach meester Willem van Hildegairtsbergegegeven bi mijns heren bevelen X ny gulden, stuc XXI g., facit XVII s. VI d.g. [30-12-1403].

[fol.57v] Item opten Jairsdach bi mijns heren bevelen bi aenbrengen Wailwains sinen pipern gegeven te verdrincken XX ny gul. Item Bertelmees den spreker II gul. Item II vreemden pipers II gul. Item Vrieslant den heraut IV gul. Item Poorter IV gul. Item den pipers vanden Hage I gul. Item den sangers II gul. Item Beyer den heraut IIII gul.

[fol.57v] Item tsmanendages naden Heyligen Paesschdach Bertelmees den spreker gegeven bi mijns heren bevelen I Vr. crone. Ende Willem vanden Berge I Vr. crone.

[fol.58r] Item II dage in aprille Beyer mijns heren heraude die trecken soude ten hove tot Bruessel ende tot Namen gegeven te teergelde VI Vr. crone.

[fol.58r] Item opten selve tijt meester Pieter den spreker gegeven bi mijns heren bevelen XXII d.g.

[fol.58r] Item XXI dage in meye meester Willem van Hildegairtsberge bi mijns heren bevelen dair Jorgel die bootscip of dede gegeven III Vr. cronen, facit XII s.g. [21-5-1404].

Inv. ARA-AGH 1258: 22 juli 1404 - 16 december 1404

[fol.44r] Item sdijnxdages nae Onser Vrouwendach Nativitas bij mijns heren bevelen bij hande Jorgels sijns camerlincx enen spreker die uut mijns liefs heren lande van Beyeren geboren ende ghecomen was gegeven IIII guld. tstuc XXIIII gr.

Inv. ARA-AGH 1259: 16 december 1404 - 25 maart 1405*29

[fol.25r] Inden eersten tsdijnsdages na Alderkinderdach meester Willem van Hildegairtsberge die spreker die minen heere ter hoechtijt van Kerssavont alrehande gedichten geseit hadde him gegeven te verdrincken II heneg. cronen I Vr. crone, facit XII s.g. [30-12-1404].

[fol.25r] Item VII dage in Januario Bertelmees den spreker van Delf gegeven tot sinen nyen jare II Gelr. guld.

[fol.33v] Item noch uutgegeven [5 februari] ende betailt van eenre kisten mijns hern boeken in te sluten LXIIII g.

Inv. ARA-AGH 1260: 4 juli 1405 - 11 januari 1406

[fol.105r] Item opten VIIIten dach in januario bij des raids bevelen gegeven Bertelmeeus den dichter te huessceden II cronen.

Inv. ARA-AGH 1261: 1 maart 1407 - 19 juni 1408

[fol.109r] Item Andries Peselssoen die clagen in Duytsche over gegeven waren in een boectgen die hi voirt in Walsch maicte roerende tgebrec dat die Hollanders anden Fransoeysen hadden gegeven voir sinen arbeit II cr. facit VI s. IIII d.g.

[fol.110r] Item upten Piinxter dach meester Willem van Hillegairtsberge die voir minen lieven heer gesproken hadde gegeven te hueschede II Eng. nobelen, facit XIII s. IIII d.g. [15-5-1407].

[fol.111v] Item Bertelmees van Goch betaelt van een deel sexternen te pumsen, te lynien ende te bereyden, dairmen een recesboec in scriven soude VII s. III d.g.

[fol.113v] Item IX dage in augusto Wilmet Cambier betaelt die hi verreist ende verteert hadde also hem mijn lieve here IIII reysen ende mijn oude vrouwe III reysen omboden hadden tot Teylingen om Walsche brieve te doen scriven ende beliepen tsamen mits wagenhuyr ghins ende weder als hi anbrocht IIII cronen VII boddr., facit XIIII s. VI d.g.

[fol.120v] Item meester Willem van Hillegairtsberge die upten heiligen Kersdach voir mijnen lieven heere gesproken hadde gegeven te huescheden bi mijns heren ende tsraits bevelen II Eng. nobel, facit XIII sc. IIII d.g. [25-12-1407].

[fol.121r] Item Bertelmees den spreker bij des raits bevelen gegeven tot sinen nyen jair I cr. facit III s. IIII d.g.

[fol.128v] Item meester Willem van Hillegairtsberge die upten heiligen Pinxsteren dach sproeke voir minen lieven heere ende vrouwen gesproken hadde gegeven te hueschede IIII cronen facit XIII s. IIII d.g. [3-6-1408].

[fol.191r] Item Beyeren den herault bij des raits bevelen gegeven te hueschede III cronen.

[fol.191v] Item Beyeren den heraut die mijn lieve heere sende vanden huse tot Gorinchem inder nacht tot Woudrinchem om den joncheere van Nassou om hem te bootscappen dat hi niet trecken en soude voir die tijt dat hi minen here gesproken hadde gegeven I Gelresc. gulden.

Inv. ARA-AGH 1262: 18 juni 1408 - 1 oktober 1409

[fol.44v] Item up Sinte Jansavont mijnre liever vrouwen inden Haghe gezent in hoirs selfs hant ende si voirt gaf enen man uut Vrancric die boitscap brochte ende nyen gedichte boeken ende anders dair hair Boudijn die boitscap of dede XV cronen facit II lb. X s.g.

[fol.100v] Item bi Jan die Boelen [XII dage in aprille tUtrecht] betailt van enen boeck dat mijn lieve here dede copen dair in stonden veel schoonre sproken die Willem van Hillegairtsbergegemaict hadde V cron. facit XVI s. VIII d.g. [12-4-1409].

[fol.101r] Item den heer van Wassenair [13 april] noch gegeven ende betailt ende hi bij mijns liefs heren bevelen enen blinden man gaf tUtrecht die voir minen lieven heer aldair veel schoonre sproken seyde VII Rinss. gulden.

[fol.101v] Item omtrent XIIII dage in aprille betailt heren Jan van Heemsteden ende hi bij mijns liefs heren bevelen eenen man tUtrecht gaf die veel scoonre meeren conde seggen V cr. facit XVI s. VIII d.g.

[fol.169v] Item Beyeren den heralt gegeven te hulpe tot sinen teergelde als hi omtrent die selve tijt uten Hage in Henegouwen bi minen genadigen heer reedt II cronen.

[fol.169v] Item tsdinxdages na Sinte Martinsdach inden Hage enen blinden dichter van Cuelen die alrehande nye dichten voir mijnre liever vrouwen sprac ende jairlix te hove plech te comen gegeven bi mijnre liever vrouwen bevelen te hueschede XX d.g.